A Federación
SOMOS
Somos
Somos
A FEDERACIÓN DE ASOCIACIÓNS DE NAIS E PAIS DE ALUMNOS/AS DE FERROL E COMARCA “CONCEPCIÓN ARENAL”, con N.I.F: G-15.543.242 e N° 1995-58-2ª, nace ao amparo do establecido no artigo 22.1 da Constitución Española, pola Lei Orgánica 10/2002 de Calidade da Educación; da Lei Orgánica 1/2002, de 22 de marzo, reguladora do Dereito de Asociación, do R.D. 1533/1986 polo que se regulan as Asociacións de Nais e Pais de Alumnos/as e demais Lexislación existente en materia educativa e de asociacións que lle sexa aplicable dentro do marco da Constitución Española e do resto do ordenamento xurídico.
Facemos
Facemos
a. Propugnar a igualdade de oportunidades e a defensa do ensino gratuito.
b. Defender a calidade de ensino de acordo co Proxecto Educativo de cada Centro.
c. Promover e defender o dereito das nais e pais a que os seus fillos/as reciban a información moral e relixiosa de acordo coas súas propias conviccións.
d. Defender os dereitos das familias, como responsables da educación dos seus fillos/as.
e. Defender, promover, desenvolver e cumprir o contido dos artigos 26 e 27 da Declaración Universal dos Dereitos Humanos.
f. Coordinar as accións precisas e nomear, no seu caso, as representacións que procedan ante as Institucións e Organismos de todo tipo, en canto afecte á instrución e educación dos fillos/as e á súa formación integral, científica, moral, social e relixiosa, no respecto ás liberdades individuais e á súa promoción persoal.
g. Excluír das súas accións todo matiz político partidista e, consecuentemente, defender á institución escolar de toda politización.
h. Defender, comprometerse, promover e fomentar os valores de SOSTENIBILIDADE, IGUALDADE e INCLUSIÓN, tanto no seu propio labor como en todas as accións que leve a cabo, xa sexan específicas ou xenéricas.
Para a consecución destes fins, a Federación emprega todos os medios para levar a cabo as accións permitidas polas leis que estean ao seu alcance.
